«OLTIN QALAM» —ma’naviy rag‘bat

An’anaviy tarzda o‘tkazilayotgan «Oltin qalam» milliy mukofoti uchun xalqaro tanlov biz, jurnalistlar uchun katta ma’naviy rag‘bat bo‘layotir. 2006 yilda ilk bor o‘tkazilgan tanlovda g‘o­liblar 13 nominatsiya bo‘yicha aniqlangan bo‘lsa, keyinchalik nominatsiyalar soni o‘ttiztaga yetkazildi, rag‘batlantiruvchi mukofotlar yo‘lga qo‘yildi.

2012 yili mazkur ijodiy musobaqada 8 mingdan ziyod ijodiy ishi bilan qatnashgan 470 nafar jurnalist orasidan tanlovning bosh milliy mukofoti Farg‘ona viloyati hokimligining “Farg‘ona haqiqati” — “Ferganskaya pravda” gazetalari birlashgan tahririyatiga nasib etdi. Men ushbu ijodiy jamoaning rahbari — bosh muharrir sifatida sovrinni qabul qilib olar ekanman, qanchalar quvonganimni ta’riflashga til ojiz.

Bosh sovrin barchamizni ruhlantirib yubordi. Tahririyatga bir qator yosh kadrlar kelib qo‘shildi. Dolzarb muammolar qa­lamga olingan tanqidiy-tahliliy materiallar soni keskin ko‘paydi. Ilgari 3-4 ming nusxada chop etilgan “Farg‘ona haqi­qati”ning adadi 20 mingdan oshib ketdi. Ikki mingtaga yetar-yetmas chiqib turgan “Ferganskaya pravda”ning adadi esa 10 mingni qoralab qoldi.

Tahririyatimiz maxsus muxbiri Sohiba Abdurahmonova ko‘p o‘tmay “Yilning eng faol jurnalisti” ko‘rik-tanlovining respublika bosqichida sov­rinni egallagan bo‘lsa, bo‘lim mudirimiz Ma’mura Abdurahimova “Do‘st­lik” ordeni bilan taqdirlandi.

Bahrom OBIDJONOV,

Oliy Majlis Qonunchilik palatasi deputati.