Қутлов

2021-01-13T08:08:54+05:0013 Yanvar, 2021|Қутловлар|

Бугун Ўзбекистон Журналистлари ижодий уюшмаси бошқаруви аъзоси, Ўзбекистон Миллий матбуот маркази раиси Шавқиддин Ғаниевнинг таваллуд куни. Шавқиддин Ғаниев 1971 йил 13 январь куни Самарқанд вилоятининг Пайариқ туманида туғилган. 1996 йил Тошкент Давлат университетининг (ҳозирги ЎзМУ) журналистика факультетини, 1997 йил Хиндистон Оммавий ахборот воситалари институти, 2002 йил Тошкент Давлат юридик институтини тугаллаган.

Журналистик фаолиятини Ўзбекистон Республикаси Бош прокуратурасининг “Қонун химоясида” журналида бошлаб, кейинчалик Ўзбекистон Республикаси Президенти ҳузуридаги Давлат ва Жамият қурилиши академиясининг(ҳозирда Давлат бошқаруви академияси) “Нашр ва матбаа” бошқармаси бошлиғи, академиянинг “Академ-хизмат” шўъба корхонаси директори, “Академия” нашриёти директори муовини лавозимларида иш олиб борган.

2010 йилдан Ўзбекистон Миллий матбуот маркази раиси сифатида фаолият кўрсатмоқда.

 

Ўзбекистон Журналистлари ижодий уюшмаси номидан Шавқиддин Ғаниевни қутлуғ ёши билан чин кўнгилдан муборакбод этамиз.Унга узоқ умр, мустаҳкам саломатлик, оилавий фаровонлик тилаймиз.

Ўзбекистон Журналистлари ижодий уюшмаси