Ориф ТЎХТАШ

2020-04-01T11:58:02+00:001 Aprel, 2020|Шеърлар|

ЭЛ ХИЗМАТИДА

Карантин даври учун

Журналист ҳам аслида –
Инсон, жонин асрар у.
Лекин Ватан ишида
Доим тайёр аскар у!

Эл корига ярай, деб
Тунни тонгга улайди.
Битта яхши хабардан –
Изтироби қулайди.

Юрагида шу ёзуқ:
Бирмиз, қалбан биргамиз!
Митти тождор офатга
Енгилмаймиз, енгамиз!

Мамлакат тақдирига
Оид бир ўйда қолинг.
Биз сиз учун ишдамиз,
Сиз эса уйда қолинг!

Танимизга дард инса –
Чора излар дўхтирлар.
Дард олдини олишга –
Масъул телемухбирлар!

Қаламингиз, тилингиз –
Хушхабардан толмасин.
Ўзбекистон бағрида
Офат изи қолмасин!

2020 йил, 1 апрель